ពេលលេងកម្សាន្ដ

កូនដំរីតូចមួយឈ្មោះ ហ្គូលូ។ វាមានរាងមូលដូចស្គរ។ឯកូនទន្សាយឈ្មោះ ឈូទូ។ វាមានរាងដូចដុំសំឡី។

ពួកគេតែងលេងជាមួយគ្នា។ ថ្ងៃមួយ ហ្គូលូ និយាយថា៖ «តោះថ្ងៃនេះយើងនាំគ្នាលេងល្បែងថ្មី។»

ឈូទូបង្គាប់ថា៖ «ឯងអង្គុយចុះទៅ។ ខ្ញុំនឹងលោតទៅទំលើខ្នង​ឯង។» ហ្គូលូក៏ធ្វើតាម។ ឈូទូលោតយ៉ាងខ្ពស់។

ក្ឌុក! វាទំលើខ្នងហ្គូលូ។ ហ្គូលូសើចរួចនិយាយ៖​ «អស្ចារ្យ! ឥលូវដល់វេនខ្ញុំម្តង។ ឥលូវអង្គុយចុះទៅ ខ្ញុំនឹងលោតទំលើខ្នងរបស់ឯងម្តង។»

«ឯងហ្នឹង!»«ត្រូវហើយ គឺខ្ញុំ។»«តើ​ឯងគិតធ្វើយ៉ាងមិច?» ឈូទូសួរ។

ហ្គូលូក៏ធ្វើឱ្យមើល៖ «ធ្វើបែបនេះ» ។

ក្ឌុក...ក្ឌុក...ក្ឌុក!ផ្លែដូងជាច្រើនធ្លាក់ចំក្បាលហ្គូលូ។

វាភ័យខ្លាច រត់បាតជើងសព្រាត។

ផ្លែដូងតូចមួយធ្លាក់ចំ ឈូទូ។

ឈូទូគិតក្នុងចិត្ត៖ «គ្រាន់បើបន្តិច។ ដូងធ្លាក់លើប្រសើរជាងដំរីសង្កត់ក្បាល!»។