ខ្ញុំមិនខ្លាចទេ
ខ្ញុំមិនខ្លាចទេ
ខ្ញុំជាក្មេងស្រីធំហើយ។ខ្ញុំអាចដើរទៅខាងក្រៅផ្ទះម្នាក់ឯងបាន។
ងងឹតណាស់! តើមាននរណានៅទីនេះទេ? តើជានរណាទៅ?
អូ! តាមពិតឆ្មាសោះ។ខ្ញុំមិនខ្លាចទេ។
ខ្ញុំឃើញរបស់មួយធំ ដែលស្ថិតនៅក្នុងទីងងឹត! តើវាជាអ្វី?
អូ! តាមពិតអណ្តូងសោះ។ខ្ញុំមិនខ្លាចទេ។
រួចចុះសំឡេង ក្រាក ក្រាក ក្រាក! តើវាជាអ្វី?
តាមពិតបងស្រីខ្ញុំសោះ។ គាត់កំពុងតែដងទឹកចេញពីអណ្តូង។ ខ្ញុំមិនខ្លាចទេ។
ខ្ញុំឮស្នូរជើងមនុស្សដើរ! តើជានរណា?
តាមពិតម៉ែខ្ញុំសោះ។ គាត់មកផ្ទះវិញហើយ។
ខ្ញុំជាក្មេងស្រីធំហើយ។
ខ្ញុំមិនខ្លាចអ្វីទាំងអស់!
